أنا أسف يامصر أسف لأن موش دى البلد اللى بنحلم بيها
انا أسف يامصر موش ده الوضع اللى كنا فى يوم عايز نبقى فيه
لما الثورة قامت عشان التغييير ومتقولش تانى ليا بكره هيبقى أحلى
محتاجين أيد من حديد تضرب ع كل الفاسدين
معقوله نقول مسلم ومسيحى
معقولة نقول الجيش والشرطة والشعب ايد واحده
ماهو طبيعى ان كل ده يبقى واحد امال مين اللى هيحمى بلدنا
ليه بنأكد كل ثانيه والتانيه بالكلام ع وحدة بلدنا ماهى معروفة من الاف السنين اننا كلنا ايد واحده .. حرام بجد علينا
يرضى مين الحال اللى وصلنا اليه
فى كل مدينة فيكى يابلدى مفيش لحظة امان عايشينها
وفى كل يوم والتانى خلاف فى الرأى وبنبعد عن بعض أكتر
لو فى مصالح معاك تبقى انت حبيبى .. ولو مصلحتى ضد مصحلتك تبقى عدوى
ازاى مصر متبقاش فوق الكل .. ازاى منوحدش كلمتنا ونشوف الخير والصح لبلدنا
فين دم الشهداء اللى راح فى ارض وطنا .. موش روى الأرض عشان يطرح بكره وبعده
متقولش يومين وهيعدوا الحال بيسوء واحنا لسه بنتفرج
محتاجين الكل يحب ويقرب لبعض
ننسى المصالح ونشوف الخير لمصر
نبص لحضارة مصر القديمة ونرسم لمصر حاضر ومستقبل أحلى
أسف يامصر اصل موش راضى بحالك
اسف وأقل كلمة بقولهالك
ربنا يحميكى ويحفظك لينا
موضوع: معقول دى بقت مصر .. أنا أسف يامصر 
الأحد فبراير 05, 2012 12:54 am
